O obxectivo é promover a participación social da mocidade a través de voluntariado
O Concello, co apoio da Xunta de Galicia a través da Dirección Xeral de Xuventude, Participación e Voluntariado, está a levar a cabo un programa de voluntariado xuvenil. Forman parte oito mozos de idades comprendidas entre os 16 e os 30 anos e cubriéronse todas as prazas disponibles.
Os participantes están a realizar tarefas de apoio aos técnicos especializados nas diferentes actividades municipais. En especial de tipo cultural, social, educativo, deportivo, xuvenil e medioambiental. Pero tamén, accións de promoción do benestar das persoas maiores e da igualdade de oportunidades entre homes e mulleres.
Por outra parte, durante as últimas semanas cooperaron coa Agrupación de Voluntarios de Protección Civil na organización de control de aforos na feira de Paiosaco. Así mesmo, o fixeron nas actividades culturais organizadas polo Concello e tamén durante os actos relixiosos das Festas dos Milagres de Caión. Nos próximos días está previsto que presten colaboración ás cuadrillas medioambientais municipais
O propósito fundamental da posta en marcha desta iniciativa, é fortalecer a aprendizaxe dos voluntarios e reforzar os seus valores solidarios. Neste sentido, os oito mozos asistiron a unha sesión informativa sobre voluntariado europeo. Foi impartida na Casa da Cultura da Laracha por persoal da Asociación Simbiose da Coruña. Unha vez rematado o programa, cada voluntario recibirá un certificado oficial que acreditará a súa colaboración e recoñecerá o seu valor social.
