A Xunta de Galicia colabora co Concello da Laracha cunha achega para a adquisición do vehículo
O Concello de Laracha contou cunha axuda de 32.000 euros do Fondo de cooperación ambiental para a compra dun vehículo motobomba. A directora xeral de Administración Local, Natalia Prieto, achegouse a Laracha para coñecer as actuacións que leva a cabo o concello para o coidado do medio ambiente. Tamén se interesou por a prevención dos incendios forestais.
O vehículo está destinado a actuacións de protección do ambiente e do espazo natural. Así mesmo, para aquelas que teñen por obxecto a prevención, extinción e xestión de situacións de sinistro ou risco, como labores mecanizados de roza de estradas, camiños forestais ou predios.
Natalia Prieto destacou a importancia deste tipo de investimentos na defensa do medio ambiente e na prevención dos incendios forestais. Recordou que a Vicepresidencia Primeira da Xunta concedeu entre os anos 2009 e 2021 un total de 754.881 euros ao Concello de Laracha para actuacións na mellora das condicións de vida dos veciños.
