A obra de teatro céntrase na figura de Rosalía de Castro
O pano do ciclo Venres Teatrais da Laracha abrirase hoxe na Casa da Cultura a partir das 21:00 horas coa obra de teataro Libre como os paxaros. Trátase dun espectáculo sobre a figura, pensamento e obra literaria da escritora galega Rosalía de Castro. Percorre, tamén, os acontecementos sociais máis importantes da época. A montaxe está producida por Teatro do Atlántico e protagonizada pola actriz María Barcala baixo a dirección de Xúlio Lago e co acompañamento musical de Vadim Yukhnevich.
A entrada é gratuíta ata completar o aforo máximo da sala. O público asistente deberá portar máscara facial durante toda a duración do espectáculo. Colabora co Concello na organización deste evento a Xunta de Galicia a través da Secretaría Xeral de Política Lingüística no marco do programa FalaRedes.
