A Mesa educativa e sanitaria sobre violencia de xénero celebró a reunión no Concello da Laracha
A reunión interinstitucional realizábase cunha periodicidade trimestral, pero non puideron celebrarse desde xaneiro do 2020 por causa da pandemia. Desde o concello, a xuntanza estivo presidida polo alcalde, José Manuel López Varela. Contó, ademáis coa edil de Igualdade, Rocío López Rey, a directora do Centro de Información ás Mulleres (CIM) da Laracha, o axente de igualdade e unha das traballadoras sociais de servizos sociais. Por parte dos centros de ensino participaron os directores e directoras e orientadoras dos CEIP Otero Pedrayo, Alfredo Brañas e Caión, e tamén do IES Agra de Leborís. Representando ao centro de saúde da Laracha acudiron a pediatra e a enfermeira de pediatría.
Na oportunidade, abordáronse os mecanismos de coordinación interinstitucional entre os diferentes membros no caso de detectarse situacións de risco. Avanzouse na creación e posta en funcionamento dun protocolo de actuación sobre o procedemento a seguir para derivar posibles vítimas desde o centro de saúde ao CIM e viceversa.
Obradorios de igualdade
En relación aos centros de ensino, falouse sobre o programa de actividades a desenvolver en torno ao 25 de novembro, Día internacional contra a violencia de xénero. Recolléronse propostas sobre os contidos principais a incluír nos obradoiros de promoción da igualdade entre homes e mulleres que se levarán a cabo baixo a coordinación do CIM.
Por último informouse de que o Concello ten en proceso de redacción o novo Plan de Igualdade municipal, polo que solitouse a implicación e cooperación no de todas as persoas integrantes desta Mesa.
