O obxecto é garantir a seguridade das persoas na tempada de verán
O Concello da Laracha prohibe a práctica do surf na praia de Caión na tempada de verán durante as horas de maior aglomeración de persoas. A medida é efectiva desde o 13 de agosto. Tómase a desición coa finalidade de garantir a seguridade e despois de que se detectase a afluencia dun importante volume de surfistas en hora punta. Ademáis con marea alta, cando a superficie do areal se reduce, derivou en situacións de perigo para os bañistas que compartían espazo con eles.
O Concello informará desta circunstancia colocando cartelería nos accesos ao areal. Adventen tamén que vulnerar as instrucións verbais dos axentes da autoridade ou do persoal de salvamento e socorrismo suporá o abandono inmediato da zona. Ademáis, sen prexuízo da imposición das sancións previstas na ordenanza municipal de promoción das condutas cívicas e protección dos espazos públicos. A práctica do surf continuará permitíndose tanto de maneira regulada (a través das escolas) como libre durante as horas restantes do día.
