O obxectivo do programa é promover a participación social da xuventude da Laracha entre 16 e 30 años de idade
O Concello da Laracha manterá aberto ata o luns día 26 de xullo o prazo de inscrición para participar no programa de voluntariado xuvenil. Está dirixido a mozos de entre 16 e 30 anos de idade. A iniciativa se porá en marcha no municipio co apoio da Consellería de Política Social da Xunta de Galicia a través da Dirección Xeral de Xuventude, Participación e Voluntariado.
Este programa ofrece participar como persoal de apoio nas diferentes actividades municipais. Trátase de actividades culturais, sociais, educativas, deportivas, xuvenil, medioambientais. Tamén inclue promoción do benestar das persoas maiores e da igualdade de oportunidades entre homes e mulleres que se levarán a cabo nos próximos meses.
Os voluntarios recibirán a orientación, formación e o apoio necesarios para o exercicio da súa actividade. Ao rematar a participación entregaráselles un certificado oficial que acreditará a súa colaboración e recoñecerá o seu valor social. Durante o desenvolvemento das xornadas tamén percibirán unha compensación económica diaria que cubrirá os gastos de manutención e transporte. O propósito deste programa é fortalecer a aprendizaxe dos voluntarios e reforzar os seus valores solidarios. As persoas interesadas deben anotarse cubrindo e presentando no Concello o formulario que pode descargarse na web municipal.
