A inscrición ao programa estará aberta ata o 5 de xullo e vai dirixido a mozos de entre 16 e 30 anos
A Asociación de Voluntarios de Protección Civil da Laracha organiza un novo programa de voluntariado xuvenil que se vai realizar neste verán. Poden participar mozos de idades comprendidas entre os 16 e os 30 anos de idade. A inscrición estará aberta ata o 5 de xullo e debe formalizarse no Concello.
O propósito final é fortalecer a aprendizaxe dos voluntarios e reforzar os seus valores solidarios. As actividades a realizar estarán relacionadas con contidos formativos, deportivos e de sensibilización ambiental, entre outros. Esta iniciativa ponse en marcha en colaboración coa Consellería de Política Social da Xunta de Galicia a través da Dirección Xeral de Xuventude, Participación e Voluntariado.
Otro programa para o verán
O Concello realizará neste verán outro programa municipal de similares características ao que organiza Protección Civil. Tamén vai dirixido a mozos de entre 16 e 30 anos de idade. As persoas interesadas en participar aínda poden formalizar a súa inscrición no Concello.
