Xoán Sande insta a unha rebaixa e paulatina eliminación das peaxes
O Bng da Laracha rexistrou unha moción para ser debatida no próximo pleno ordinario da Corporación. «Demandaremos un acordo para rexeitar a implementación de peaxes nas autovías de titularidade estatal. Tamén para instar á Xunta de Galiza a unha rebaixa e paulatina eliminación das peaxes nas de titularidade galega», dí Xoán Sande, portavoz nacionalista.
O Bloque da Laracha somete a debate e aprobación polo Pleno do Concello os seguintes acordos:
- Amosar a rotunda oposición da Corporación Municipal da Laracha á intención do goberno central de establecer peaxes nas autovías de titularidade estatal, por considerala unha medida regresiva que establece barreiras económicas no acceso a servizos básicos como son as infraestruturas viarias, porque incrementa a inseguridade viaria e porque supón un atranco para o desenvolvemento económico e a cohesión social de Galiza. Dar traslado deste acordo ao Ministerio de Fomento.
- Instar á Xunta de Galiza á redución e paulatina eliminación das peaxes da AG 55 E AG57, de titularidade da administración galega, polo agravio que supón para as persoas residententes e empresas das respectivas comarcas polas que transcorre.
