Na Xunta de Goberno Local acordou presentar á Xunta os proxectos de obradoiros de emprego. Tamén acordaron incluír o Plan de Mellora de Camiños de acceso a parcelas agrícolas
O Concello da Laracha continúa apostando pola organización de obradoiros de emprego. Considera a mellor das oportunidades para alcanzar o triplo obxectivo de crear postos de traballo, mellorar a formación profesional e realizar obras e actuacións de interese xeral.
Na Xunta de Goberno Local celebrada hoxe acordouse presentar á Consellería de Emprego e Igualdade dous novos proxectos. Os obradoiros de emprego están ao abeiro das convocatorias de axudas para o desenvolvemento deste tipo de programas.
Un deles sería o sétimo dual que organizaría en solitario o Concello da Laracha. Constaría de dúas especialidade, a de pintura industrial en construción e a de atención sociosanitaria a persoas en institucións sociais. O proxecto prevé a participación de vinte alumnos traballadores durante nove meses. Está valorado nun total de 345.000 euros.
O outro proxecto trátase dun obradoiro de emprego xuvenil (dirixido a mozos de entre 18 e 30 anos de idade que figuren no Sistema Nacional de Garantía Xuvenil). Tamén constaría de dúas especialidades, a de montaxe de mobles e elementos de carpintería e a de actividades auxiliares en conservación e mellora de montes encargaríase. Os traballos a realizar estarían centrados na posta en valor do castro de Montes Claros, É, Ademáis, na renovación do mobiliario urbano e a construción dunha caseta móbil para o equipo de salvamento e socorrismo que presta servizo cada verán en Caión. O número de alumnos traballadores sería de vinte e a duración do programa, de doce meses. O orzamento para o obradoiro de emprego supera os 552.000 euros.
Plan de mellora de camiños de acceso a parcelas agrícolas
Na Xunta de Goberno Local tamén se definiron as actuacións que o Concello incluirá no Plan de mellora de camiños municipais de acceso a parcelas agrícolas. Está impulsado pola Axencia Galega de Desenvolvemento Rural (DOG núm. 19 do 29 de xaneiro).
Con cargo a este programa o Concello percibirá 61.509 euros para cofinanciar un amplo proxecto valorado en preto de 74.000 euros. Inclúe catro intervencións diferenciadas en vías municipais que discorren por A Ferreira (parroquias de Montemaior e Soandres), San Fins de Arriba en dirección á estrada CP-2404 (Montemaior), entre A Costa e Tuixe de Abaixo (parroquias de Cabovilaño e Lemaio) e unha última intervención que daría continuidade á anterior nunha vía de Tuixe de Abaixo. Os camiños onde se levarán a cabo as actuacións dan acceso a un gran número de parcelas agrícolas. As obras proxectadas teñen por finalidade mellorar o firme e a drenaxe, facilitar a circulación e aumentar a seguridade viaria.
Programa municipal de subvenciones
Autorizouse o pagamento de 29.400 euros en axudas do programa municipal de subvencións para o fomento do emprego mediante o impulso da actividade económica para paliar os efectos da Covid-19. Está dirixida a empresarios e autónomos do termo municipal da Laracha que foran obrigados a suspender a apertura ao público. Tamén a quen sufrira minoración da súa facturación debido ao decreto do estado de alarma. Deste xeito dáse por concluído o programa a través do que o Concello aboou un total de 129.300 euros en axudas a 159 beneficiarios. Dependendo do número de traballadores da empresa, percibiron entre 600 e 2.100 euros. Agora terán de prazo ata o 20 de marzo para xustificar estas achegas municipais.
