Os mozos participan no programa de intercambio xuvenil ata o 6 de xullo
Sete mozos laracheses de entre os 18 e os 30 anos acompañados por tres monitores están en Berlín desde o pasado luns e ata o día 6 de xullo. O grupo forma parte da iniciativa organizada polo Distrito de Reinickendorf. Nos primeiros días visitaron varios puntos da cidade alemá, incluíndo o zoo e o exterior do Bundestag (sede do Parlamento alemán) e da Universidade. Tamén acudiron a un centro de ensino no que se imparten clases de español e realizaron un obradoiro. Nos próximos días teñen previsto visitar o Ministerio de Finanzas de Berlín, as cidades de Dresden e Postdam, varios museos e o teatro Friedrich Stadt Palast.
Viaxe a Venecia
O outro programa de intercambio do Concello da Laracha, no que participarán outros dez mozos laracheses, será na cidade de Venecia. Terá lugar do 2 ao 9 de xullo. Neste caso a organización será a cargo do Polo Tecnico Professionale desa localidade italiana. Ademais de coñecer a cidade e outras do seu entorno, visitaranse os puntos de interese máis importante e realizaranse actividades culturais.
Con estas iniciativas o Concello pretende aportar na construción da cidadanía europea. Ademáis, facilitar á mocidade oportunidades para coñecer outros países, idiomas e culturas, potenciando a mobilidade. Deste xeito, téndese pontes para a cooperación transfonteiriza con outros países e proxectase o municipio no exterior.
