O delegado da Xunta, Gonzalo Trenor, reuniuse co alcalde da Laracha nas instalacións do complexo deportivo
O delegado da Xunta de Galicia, Gonzalo Trenor, desprazouse ao Concello da Laracha para interesarse polo proxecto de mellora das instalacións do complexo deportivo da piscina municipal. A actuación, que se levará a cabo en próximas datas, está valorada nuns 65.000 euros y será cofinanciada por ambas administracións. O amplo proxecto consta de varias intervencións:
- Completa mellora na cuberta, que presenta unha superficie aproximada de 700 metros cadrados. O propósito é impermeabilizala e evitar posibles filtracións de auga.
- No ximnasio será renovado o pavimento nos seus 196 metros cadrados de superficie. Instalarase un novo de tipo deportivo e apto para a colocación de maquinaria.
- Na zona da piscina actuarase no pavimento coa fin de evitar filtracións cara as praias e, por tanto, a perda de auga do vaso.
- Tamén se contempla a reforma da fachada cunha intervención de mantemento e reparación da madeira do revestimento exterior do edificio.
Reabren as pistas de pádel
As pistas de pádel do complexo deportivo municipal da Laracha están abertas ao público unha vez finalizadas as obras de mellora. Os usuarios poden facer as súas reservas acudindo á Casa Consistorial ou chamando ao 981 605001. O prezo é de nove euros por hora e media de uso.
A intervención levouse a cabo co triplo obxectivo: renovar o firme, ampliar a fachada de chapa e aumentar a eficiencia enerxética. Na segunda fase de mellora, realizarase unha intervención no pavillón polideportivo dirixida a renovar a cuberta e os canalóns, e pintando os muros interior máis exterior. O investimento total alcanza os 80.000 euros a cofinanciar entre o Concello da Laracha e a Xunta de Galicia a través da Secretaría Xeral para o Deporte.
