O Concello da Laracha mantén a inscrición para persoas maiores de 60 anos, xubiladas e pensionistas
O Concello mantén aberta a inscrición na excursión a Asturias que realizarase do 18 ao 22 de abril. A proposta está dirixida a persoas maiores de sesenta anos de idade, xubiladas e pensionistas ao quedar aínda prazas dispoñibles. Os interesados deben acudir ao departamento de Servizos Sociais, situado no edificio administrativo da Laracha.
A viaxe comezará o 18 de abril coa saída do autobús ás 8:00 horas desde a Praza do Concello. O primeiro punto de destino será Cudillero e, pola tarde, Oviedo. No día seguinte visitaranse Ribadesella, Llanes e o Santuario de Covadonga. Na terceira xornada os participantes coñecerán Avilés pola mañá e o Museo da Minería de Asturias pola tarde. O penúltimo día realizaranse visitas guiadas polas cidades de Xixón e Oviedo. Por último, o 22 de abril haberá paradas no poboado mineiro de Bustiello, en Mieres e en Luarca antes de emprender a viaxe de regreso.
O prezo por persoa en habitación dobre é de 280 euros co suplemento de 88 euros para os que desexen unha habituación individual. Inclúe o aloxamento en réxime de pensión completa (almorzo, comida e cea), guía en todas as visitas, entrada ao museo e seguro de viaxe. O Concello da Laracha subvencionará integramente o custe do transporte en autobús.
