Noelia Loureiro, Juan Martín Rodríguez e Anxo López están nos grupos
Na última semana o Club Salvamento Acuático Laracha (SAL) recibiu moi boas novas. Integrantes do club están nos grupos de segemento da Real Federación Española de Salvamento e Socorrismo (RFESS). A nova comezaba coa publicación dos deportistas incluídos no Grupo de Seguimento de Alto Nivel da categoría Absoluta. Alí están recollidos os deportistas seleccionables para acudir coa Selección Española ó Campionato de Europa no mes de setembro. Na lista está a nosa deportista Noelia Loureiro.
Uns días despois, a RFESS publicaba os listados dos Grupos de Seguimento de Tecnificación das categorías Infantil e Cadete, nos que están incluídos Juan Martín Rodríguez e Anxo López. Estes grupos están destinados ó control e seguimento dos deportistas máis destacados a nivel nacional dende a base.
Isto é un indicador do bo traballo realizado por parte dos deportistas nos adestramentos diarios, o que demostra un bo presente para o club SAL. Co fin de seguir formando deportistas dende a base, o club SAL abriu novos horarios da Escola de Salvamento. Se pretende que comecen nenos nacidos nos anos 2012 e 2013 para formar parte das categorías formativas do club.
