Para fomentar o compostaxe repartirase de xeito gratuíto composteiros individuais ademáis de accións divulgativas
O Concello da Laracha presenta unha proposta que ten por finalidade potenciar a compostaxe doméstica, solicitando unha achega económica para financiar a adquisición de 230 composteiros individuais. Os mesmos serían distribuídos de xeito gratuíto entre a poboación con campañas divulgativas, formativas e informativas sobre o seu emprego. A iniciativa acordouse na ultima Xunta de Goberno Local para participar na convocatoria de subvencións distinada á mellora da xestión dos biorresiduos.
Así mesmo, tamén se acordou a adhesión ao programa provincial de financiamento dos servizos sociais comunitarios para o ano 2022 convocado pola Deputación da Coruña. O Concello pretende acollerse ás dúas liñas de axudas relacionadas co cofinanciamento dos gastos de parte do persoal administrativo e técnico do departamento. Tamén, para servizo de axuda no fogar por libre concorrencia. A contía solicitada a través deste programa ascende a 240.000 euros.
Salientar, por último, a concesión de dúas licencias urbanísticas, sendo unha delas para a construción dunha vivenda unifamiliar.
