No homenaxe á autora haberá propostas infantís e un día de recital para adultos
Con motivo da celebración do Día de Rosalía o 23 de febreiro, data de nacemento dunha das figuras más importantes da literatura galega, o Concello organizará un programa de actividades. O propio mércores 23 de febreiro pola tarde haberá unha dobre proposta:
- O público infantil (nenos de entre seis e dez anos de idade) está convidado a participar na xornada lúdico-didáctica Xogando con Rosalía. Realiza a compañía Proyecto Bulubú no centro sociocomunitario de Caión a partir das 18:00 horas.
- Desde as 19:00 horas a biblioteca municipal da Laracha acollerá o recital para adultos No bico un cantar: celebramos a Rosalía. A proposta está a cargo da actriz Carmen Conde.
O xoves 24 na Casa da Cultura da Laracha a partir das 18:00 horas a actriz e titiriteira Larraitz Urruzola porá en escena o espectáculo infantil A viaxe de Rosalía. Válese de monicreques, música, obxectos e ferramentas de narración oral tradicionais para expoñer as pasaxes máis importantes da vida de Rosalía de Castro.
O programa pecharase o venres 25 co contacontos A miña historia a cargo da compañía Trémola Teatro. Terá lugar no centro sociocultural de Paiosaco desde as 18:00 horas. O Concello convida á veciñanza larachesa a participar nestes eventos para render homenaxe a Rosalía de Castro e afondar no coñecemento da súa vida e obra literaria. Ver programación completa na imaxen de abaixo.
