O índice delitivo no municipio é sensiblemente inferior á media provincial e este ano os datos reflicten un descenso con respecto ao ano anterior
Celebrouse no Concello da Laracha unha reunión da Xunta Local de Seguridade onde a principal conclusión foi constatar que A Laracha é un Concello seguro. A sesión estivo copresidida polo alcalde, José Manuel López Varela, e a subdelegada do Goberno na Coruña, Pilar López-Rioboo. Tamén asistiron a xefa da unidade contra a violencia sobre a muller da Subdelegación do Goberno, María Isabel Álvarez e a vicesecretaria da Delegación do Goberno, Eva Vázquez. Así mesmo participaron o tenente coronel da Comandancia da Garda Civil da Coruña, Fernando Pedreira; o cabo primeiro e comandante do posto da Garda Civil da Laracha, Sergio García; o xefe da Policía Autonómica na Coruña, Antonio Nieto; o xefe da Policía Local da Laracha, Víctor Vilanova y a directora do Centro de Información ás Mulleres da Laracha –Ana Aldao-.
Os datos oficiais expostos indican que o índice de criminalidade no termo municipal no ano 2019 (21,59 delitos por cada mil habitantes) expeirmentó un descenso é sensiblemente inferior á media provincial (31). A previsión para o ano actual é que ese índice caia na Laracha por debaixo dos 17 debido. Isto é en gran parte, ao descenso de delitos rexistrado durante o confinamento (22% no Concello), que tamén mellora notablemente á media estatal durante ese período (13% menos no conxunto de España). Tamén, en 2019 na Laracha incrementouse nun 12% os casos esclarecidos e triplicouse o número de persoas detidas.
Aproveitaron a ocasión para felicitar ás forzas e corpos de seguridade pola resposta aos sucesos acontecidos nas últimas semanas que afectaron a determinados locais comerciais, especialmente aos hostaleiros. As accións concluíron coa detención dos responsables dos actos delitivos. Tendo iso en conta, e tamén os datos expostos, os representantes de todos os organismos e institucións presentes transmitiron unha mensaxe de tranquilidade á cidadanía larachesa.
Non obstante, o alcalde deixou constancia da súa preocupación polo número de baixas que presenta o cuartel da Garda Civil da Laracha e expresou a necesidade de cubrilas na súa totalidade e mesmo de ampliar o número de prazas vinculadas ao posto.
Violencia de xénero
Avaliouse, ademáis, o traballo desenvolvido pola Policía Local no seguimento de casos de violencia de xénero despois de que en xullo do ano pasado se acordase a súa incorporación ao sistema VIOGEN. Desde a unidade contra a violencia de xénero da Subdelegación do Goberno cualificouse como moi positivo o esforzo do corpo de seguridade municipal e eloxiouse o labor que nesa materia realiza o Concello da Laracha.
Neste sentido, a directora do CIM informou que debido á crise sanitaria da Covid-19 tiveron que aprazarse as reunións trimestrais das mesas de colaboración interinstitucional contra a violencia de xénero e por iso non se celebraron as previstas no mes de maio. Volveranse convocar ao longo do mes de outubro.
Recoñecemento
Por último, acordouse entre todos os presentes realizar un recoñecemento a Celestino Gago, o xefe do Grupo Especial de Actividades Subacuáticas (GEAS) da Garda Civil polo rescate dun neno na praia de Caión que fixo o pasado mes de xuño estando nese momento fóra de servizo.
