López Varela destacou que “A Laracha é referencia estatal en salvamento e socorrismo entre 8.131 municipios de toda España”, tralos resultados obtidos polos deportistas do club
José Manuel López Varela, alcalde da Laracha, recibiu na Casa da Cultura ao equipo directivo, persoal técnico e deportistas máis destacados do Club de Salvamento Acuático Laracha (SAL). O fixo en recoñecemento aos excelentes resultados obtidos nos últimos campionatos de ámbito autonómico e estatal. O rexedor municipal destacou que “grazas ao SAL, A Laracha é unha referencia nacional nesta disciplina deportiva entre os 8.131 municipios que hai en España”.
López Varela tamén salientou que “tanto ou máis importante que os triunfos nos torneos é potenciar os estilos de vida saudables entre a mocidade e xerar o bo ambiente necesario para adestrar, divertirse e competir ao máis alto nivel”.
Pois iso expresou o “orgullo por contar na Laracha co SAL” e reiterou o compromiso de colaboración institucional do Concello co club. Lembró que a achega municipal no último ano foi de 15.000 euros “para cooperar no financiamento dos gastos, incluído o uso da piscina”.
Últimos logros
Como resultados máis destacados, o SAL tivo catro representantes nos Campionatos de España Xuvenil, Júnior e Absoluto de distancias curtas celebrados en decembro en Valladolid. Alí, Noelia Loureiro foi campioa e logrou o récord nacional en 50 metros socorrista, e Pablo Amado, Álvaro Hidalgo e Anxo López melloraron as súas marcas persoais.
No Campionato Galego Xuvenil, Júnior e Absoluto celebrado en Ourense os días 19 e 20 de marzo, os deportistas máis destacados foron en categoría xuvenil:
- Anxo López (2 campionatos, 2 subcampionatos, 1 terceiro posto e un récord galego en 200 metros supersocorrista)
- Álvaro Hidalgo (1 subcampionato)
- Nerea Mallo (1 subcampionato e 1 terceiro posto)
En categoría júnior:
- Pablo Amado (2 subcampionatos)
Categoría absoluta:
- Noelia Loureiro (1 campionato e 4 subcampionatos)
- Borja Díez (1 subcampionato e 1 terceiro posto)
Ademais, nos relevos, o xuvenil masculino proclamouse campión galego en lanzamento de corda e obtivo o terceiro posto en 4×50 natación con obstáculos. As representantes do xuvenil feminino quedaron subcampioas en lanzamento de corda e terceiras en 4×50 combinado. O equipo absoluto masculino foi campión en lanzamento de corda e terceiros en 4×50 combinado.
No Campionato Galego infantil e cadete celebrado o 13 de marzo en Caldas de Reis, o SAL foi subcampión na categoría Xeral cadete, subcampión en infantil feminino e terceiro clasificado tanto en cadete feminino como en masculino.
Actuacións individuais dos cadetes
- Juan Martín Rodríguez (2 campionatos, 1 subcampionato e 1 terceiro posto)
- Luis Negreira (1 campionato e 2 terceiros postos)
- Lucía Añón (3 terceiros postos)
En infantís os mellores resultados foron os subcampionatos tanto de Gisela Becerra como de Pedro Caamaño.
Por último, no Campionato Galego alevín celebrado en Cerceda o 5 de marzo, o equipo masculino proclamouse campión de Galicia e terceiro mellor club galego na clasificación Xeral, con dous campionatos e un subcampionato nas probas de relevos. O equipo feminino quedou cuarto nas tres probas e o equipo mixto logrou un subcampionato. A título individual, salientar os subcampionatos de Simón Caamaño e de Hugo Ferreño.
