As bases que rexerán os procedementos selectivos das persoas publicaranse nos próximos días
O Concello da Laracha formará unha cuadrilla de obras e servizos municipais contratando trece persoas. Trátase de nove peóns, dous capataces e dous traballadores para servizos xerais, para traballar por un período de sete meses. Farase no marco do programa de integración laboral PEL-Concellos Reactiva 2021 impulsado pola Deputación da Coruña.
Entre as súas funcións estarán a realización de traballos para a instalación de sinalización viaria, reparación de beirarrúas e sumidoiros. Tamén para acondicionamento do terreo para colectores, mantemento de espazos públicos, conservación medioambiental e limpeza viaria. Además, apoio loxístico aos servizos municipais e vixilancia don cumprimento das medidas de prevención ante a covid.
A convocatoria irá dirixida a persoas que se atopen en situación de desemprego, inscritas no Servizo Público de Emprego e que estean incluídas nalgunha situación de exclusión laboral. As bases dos procedementos selectivos das persoas serán publicadas nos próximos días. En todos os casos será polo sistema de concurso-oposición, valorándose a experiencia profesional e a formación de cada candidato, que ademais deberán realizar unha proba escrita cos contidos especificados no temario.
