Os traballos que obtiveron os primeiros premios serán editados e distribuídos como os marcapáxinas oficiais da rede de bibliotecas municipais
Xa temos gañadores do concurso de marcapáxinas organizado polo Concello da Laracha. No marco do programa de actividades en torno ao Día das Letras Galegas se convidara a participar a rapaces de idades comprendidas entre os seis e os doce anos. O xurado, tras valorar todos os traballos presentados, acordou outorgar os seguintes galardóns:
1º, 2º e 3º de Primaria
- 1º premio: Sofía Queijo Rey por “Ler fai voar”.
- 2º premio: Eric Santalla Méndez por “O libro da infancia”.
4º, 5º e 6º de Primaria
- 1º premio: Sabela López Bugallo por “Noite de contos”.
- 2º premio: Sabela Fermoso Piccardi por “O meu fantástico libro”.
Os catro galardoados recibirán como agasallo lotes de libros e material didáctico adaptado ás súas idades. A entrega farase este mañá a partir das 19:30 horas nun acto na biblioteca municipal da Laracha. Ademais, os traballos que obtiveron o primeiro premio de cada categoría serán editados polo Concello e distribuídos como os marcapáxinas oficiais da rede de bibliotecas municipais. Os traballos permanecerán expostos ao público durante esta semana na biblioteca municipal da Laracha.
