O Concello da Laracha programou un concerto de música galega con motivo da Feira das Cereixas
Consciente da importancia da Feira das Cereixas, o Concello organiza para a noite do 4 de xullo un concerto de primeiro nivel. Actuarán Xabier Díaz xunto a Adufeiras de Salitre en Paiosaco. Dous nomes propios da música galega actual. As entradas serán de balde.
A Feira das Cereixas, a festa gastronómica de maior relevancia e tradición do Concello da Laracha, celébrase no primeiro domingo do verán. Neste ano será o 4 de xullo. O evento conta co recoñecemento de Festa de Interese Turístico de Galicia.
Debido á situación sanitaria provocada polo coronavirus, durante a mañá o único acto lúdico que animará a actividade comercial habitual durante a mañá será a presenza dunha charanga.
Inscripción ao concerto na web municipal
Co propósito de controlar dun xeito óptimo os accesos, o evento musical terá lugar no recinto do CEIP Alfredo Brañas a partir das 22:00 horas. En todo caso, celebrarase cun estrito cumprimento da normativa para eventos culturais destas características. As condicións do mesmo estarán suxeitas a posibles cambios de acordo ás medidas que poidan establecer as autoridades sanitarias.
Para poder asistir como público o Concello habilitará o martes 22 de xuño un formulario de inscrición na web municipal www.alaracha.gal. A opción é anotarse unha única persoa ou un grupo de convivintes (máximo de seis) para poder sentarse xuntos durante o concerto.
