O Concello xa informou a todos os comerciantes que asistiron á última feira de Paiosaco. O prazo remata o 20 de outubro
A nova norma mellora o funcionamento interno, a concesión dos postos, o cambio de titularidade, a identificación dos comerciantes e os requisitos para exercer a venda. Ademais, quedan establecidas multas aos titulares de postos que non os manteñan nun correcto estado de limpeza tralo remate das xornadas de feira.
No texto do regulamento municipal de venda ambulante entrou en vigor recentemente trala publicación no Boletín Oficial da Provincia (BOP) da aprobación definitiva do mesmo o pasado día 20 de xullo. Este cambio foi promovido polo Concello coa finalidade de avanzar cara unha máis óptima organización da feira de Paiosaco. Ela desenvólvese o primeiro e terceiro domingo de cada mes, e tamén do mercadillo dos luns en Caión.
Comunicar ata o 20 de outubro
Un dos trámites que deberán realizar os comerciantes ambulantes antes do 20 de outubro e que desexen conservar os seus postos asignados no recinto feiral. Debén facelo comunicando ao Concello a súa intención de continuar co exercicio da actividade. Para iso deberán presentar o modelo de solicitude coa documentación requirida.
O Concello, que xa informou desta circunstancia a todos os comerciantes ambulantes que acudiron á última feira de Paiosaco, habilita desde mañá, martes 24 de agosto unha oficina asistencial na Casa Consistorial para realizar este trámite de carácter obrigatorio. Requírese reservar cita previa chamando ao 981 605001. Tamén pode facerse en liña a través da sede electrónica.
