Estivo nos colexios CEIP Otero Pedrayo e CEIP Alfredo Brañas
Indalecio Cabana, o xefe territorial de Educación, estivo hoxe no Concello da Laracha para visitar os colexios da capital municipal e de Paiosaco. Na oportunidade, interesouse polas últimas intervencións levadas a cabo neses centros. Ademáis, xunto ao alcalde, José Manuel López Varela, e as comunidades educativas coñeceu as actuacións e desenvolver no futuro.
No CEIP Otero Pedrayo visitó a nova biblioteca do colexio trala súa reestruturación. Trátase do proxecto que foi cofinanciado pola Xunta de Galicia, o Concello e o propio centro. Esta biblioteca escolar ten unha superficie de 163 metros cadrados e está concibida como un espazo multidisciplinar, educativo, creativo, motivador e atractivo. Ademais da colección bibliográfica e do equipamento e mobiliario, tamén conta cun espazo que albergará a futura radio escolar.
Indalecio Cabana tamén se interesou polo procedemento de expropiación dos terreos afectados pola segunda fase de ampliación dos equipamentos deste colexio que se atopa actualmente en trámite. O Concello investirá máis de 81.000 euros na adquisición dunha superficie de 13.761 metros cadrados que permitirán aumentar súa superficie.
En Paiosaco
No CEIP Alfredo Brañas de Paiosaco, a Xunta realizará unha intervención para mellorar as condicións da cuberta da pasarela que comunica os dous edificios do colexio. De acordo coa dirección do centro de ensino, a outra cuberta existente na zona do patio será eliminada. Ademais, revisouse o estado actual do peche.
Na anterior visita de traballo do xefe territorial de Educación ao Concello da Laracha, tratárase a necesidade de completar a mellora do peche perimetral do CEIP de Caión. Resta por intervir despois da rehabilitación realizada no sector do acceso principal e tamén no que bordea a pista polideportiva e o parque infantil.
