Optouse pola retirada desa estrutura no CEIP de Paiosaco xa que presentaba danos
No CEIP Alfredo Brañas de Paiosaco acometéronse, a instancias da Consellería de Educación, os traballos dirixidos a eliminar a cuberta que existía na zona do patio. A estrutura presentaba danos, e carecía de función. Agora presenta espazos e accesos máis libres nese ámbito. Ademáis, executarase unha intervención para mellorar as condicións da outra cuberta, a da pasarela que comunica os dous edificios.
Do mesmo xeito, durante xullo e agosto tamén se realizarán diferentes actuacións de mellora e mantemento nas instalacións do CEIP Otero Pedrayo da Laracha e CEIP de Caión.
Así mesmo, durante o verán, estase a levar a cabo as intervencións oportunas para o próximo curso escolar que comezará en setembro. As actuacións que se realizarán durante as próximas semanas foron consensuadas entre o Concello, xefatura territorial de Educación e os equipos directivos dos colexios.
