O campamento na Laracha inclúe diversidade de obradoiros, xogos e festa con inchables
O Concello da Laracha continúa desenvolvendo o programa de actividades de verán, que inclúe propostas especialmente dirixidas aos nenos, entre elas un campamento urbano. A finalidade é ofrecer alternativas para o aproveitamento do tempo libre dos nenos e, aos seus pais, unha axuda para a conciliación da vida persoal, familiar e laboral durante as vacacións do verán.
Nesta semana realizouse un campamento urbano no que participaron medio centenar de nenos de idades comprendidas entre os tres e os sete anos. Disfrutaron de diversas actividades educativas, deportivas e ludo-recreativas nas instalacións do pavillón do IES Agra de Leborís. O programa inclúe obradoiros de cociña, papiroflexia, reciclaxe e chapas, ademais de xogos deportivos e tradicionais. O alcalde da Laracha, José Manuel López Varela, e a concelleira Patricia Bello visitaron aos participantes.
