O Concello da Laracha lembra a obriga de comunicar a realización de cachelas San Xoán
O Concello da Laracha lembra que durante o San Xoán soamente estará permitida a realización de cachelas en fincas privadas. Ademáis, é necesario presentar unha comunicación previa e cumprir a normativa de seguridade establecida. Debido á situación sanitaria, neste ano, como no 2020, non se permitirán as cachelas en ningún espazo público (rúas, prazas, praias, etc.).
O documento pode descargarse da web municipal www.alaracha.gal ou recollerse no Concello. Así mesmo, debe presentarse ben de xeito presencial na Casa Consistorial ou ben en liña a través da sede electrónica. Entre outras cuestións, deberán indicarse os datos do organizador (particular ou asociación), o lugar exacto no que se vai realizar a cachela e o tipo terreo no que se realizará.
