O grupo do Bng da Laracha presenta unha iniciativa demandando o peche de contas bancarias das entidades que non estean no Concello da Laracha
O grupo da corporación municipal do Bng da Laracha rexistrou unha iniciativa, para o seu debate na próximo Pleno Ordinario. Demandan un acordo da Corporación para retirar as contas bancarias do concello daquelas entidades que pecharon as súas sucursais na Laracha. Indican os nacionalistas que recentemente foi pechada a sucursal larachesa do BBVA e anteriormente xa fora pechada tamén a sucursal do Banco de Santander. Os clientes destas dúas entidades son vítimas da exclusión financeira ao non contar cos servizos dos que dispoñían anteriormente.
