Na praza Olonne sur Mer acollerá o autocine gratuito a partir das 22:00 horas
A Laracha acollerá por primeira vez a proxección dun filme en formato autocine co propósito de ofrecer á cidadanía unha nova proposta cultural. Se desenvolverá con plena garantía de seguridade para os espectadores.
Será o venres, día 21 de maio, a partir das 22:00 horas na praza Olonne sur Mer (explanada fronte ao IES Agra de Leborís). Proxectarase o largometraxe María Solinha. Se narra a historia dun director que pretende reconstruír no teatro o mito da protagonista, unha meiga que, segundo a lenda, foi acusada de bruxería e queimada pola Inquisición no século XVII. O filme conta cun elenco galego de luxo no que destacan as figuras de Mabel Rivera, Antonio Durán “Morris”, Santi Prego, Grial Montes e Laura Míguez. Antes do comezo da proxección o director da película, Ignacio Vilar, fará unha presentación da mesma.
Para poder asistir co vehículo ao recinto requirirase dunha entrada virtual que pode obterse de xeito gratuíto na web www.autocine.gal. Ademais da proxección do venres, como actividade complementaria, a produtora Vía Láctea Filmes realizou co alumnado do IES Agra de Leborís unha unidade didáctica sobre a muller arredor do filme María Solinha.
