O Concello da Laracha inicia os trámites necesarios para a futura ampliación
E necesario aprobar con carácter inicial a modificación do estudo de detalle da parcela que alberga o edificio para a ampliación. O obxecto deste trámite é a adecuación de certos parámetros urbanísticos ás determinacións do Plan Xeral de Ordenación Municipal. Esta infraestrutura pública vai dirixida a mellorar a calidade de vida das persoas maiores e, por tanto, tamén das súas familias.
A modificación non suporá alteracións no destino urbanístico do solo, nin parcelacións do mesmo. Tampouco implica a redución de superficies destinadas a infraestruturas viarias, espazos libres ou dotacións. Unha vez aprobado con carácter inicial pola Xunta de Goberno, o documento estará un mes en exposición pública antes de elevar a súa aprobación a definitiva.
Prazas cubertas
Actualmente, o fogar residencial da Laracha ten cubertas a totalidade das dezaoito prazas ofertadas para persoas maiores dependentes. Eles precisan dunha atención integral e cuxa estancia é continua e permanente.
No centro de día o número de prazas é de 25,5, das cales nestes momentos hai cubertas 17. Neste caso trátase dun servizo de apoio ás familias durante o día. Ofrece atención terapéutica integral e plural ás persoas maiores con dependencia ou en risco de padecela. Desde xeito promove a súa autonomía persoal, a actividade relacional e a permanencia no contorno familiar habitual.
O centro de día e o fogar residencial da Laracha forman parte da rede de centros do Consorcio Galego de Servizos de Igualdade e Benestar sendo xestionados, por tanto, pola Xunta de Galicia.
