O Alcalde da Laracha entrega os premios aos gañadores do segundo concurso de fotografía «A Laracha no obxectivo».
O alcalde, José Manuel López Varela, e a concelleira de Cultura e Turismo, Patricia Bello, fixeron entrega dos premios aos gañadores da segunda edición deste concurso fotográfico dotados cun total de 1.500 euros.
Ademais o acto desenvolveuse no Salón de Plenos da Casa do Concello. Cada galardoado, recibiu a gratificación económica e unha copia impresa en cartón pluma da súa fotografía gañadora.
Neste sentido, na modalidade “Xeral” o primeiro premio (dotado con 600 euros) foi para a foto titulada Caión é luz, de Samuel López. A foto é unha imaxe aérea da península que conforma Caión. A instantánea foi tomada co obxectivo dun dron que sobrevoou a vila ao atardecer, xusto coincidindo co acendido das luces da iluminación pública.
Tamén o alcalde, José Manuel López Varela, avanzou que esa imaxe será empregada polo Concello para a felicitación de Nadal institucional deste ano.
Máis premios
Engadir que segundo premio (400 euros) foi para Reflexos, de Antonio Fernández Martínez, pola foto da praia de Caión. Na fotografía se reflexa no mar a igrexa parroquial de Santa María do Socorro. E o terceiro premio (250 euros) concédese a Outono en Laracha, instantánea tomada por María Eugenia Pereira no paseo fluvial do río Anllóns. Nesta ocasión o xurado destaca as cores do outono, a pasarela de madeira e, ao fondo, o muíño. Nesta modalidade “Xeral” presentáronse un total de corenta e sete fotografía de dezaoito participantes diferentes.
Ademais na modalidade “Redes Sociais” a imaxe gañadora foi Lusco e fusco, de Ana Ruiz Amigo. A súa fotografía da praia de Caión obtivo 809 gústames durante os dez días de prazo no que calquera internauta puido votar na páxina de Facebook de Turismo da Laracha.
Para rematar, a publicación do álbum de fotos coas 22 imaxes participantes recibíronse un total de 4.320 interaccións.
