«A Laracha acolle» é un programa dirixido á inclusión social e cultural das persoas inmigrantes.
Na segunda edición do programa municipal «A Laracha acolle» están a participar 15 persoas naturais de Marrocos, Paquistán, Ucraína, Colombia e Portugal.
Neste sentido, vai dirixido ás persoas inmigrantes empadroadas no termo municipal e ten por finalidade a súa inclusión social e cultural. Componse de dúas liñas de acción complementarias:
- o taller de alfabetización nas linguas oficiais de Galicia
- a creación do espazo de expresión e participación cultural Exprésa-T: dirixido ao coñecemento dos costumes, funcionamento e valores da sociedade de acollida, intercambio e socialización, así como ao tratamento de temas transversais de xénero e coeducación
Tamén as persoas interesadas en participar no programa «A Laracha acolle» deben inscribirse no departamento de Servizos Sociais, ben acudindo ao edificio administrativo da Laracha ou chamando ao 981612811.
