O programa de atención temperá pretende dar resposta ás necesidades que poidan presentar os cativos de 0 a 6 anos con trastornos no desenvolvemento
O servizo de atención temperá comezará a funcionar no Concello da Laracha a partir de mañá, xoves 5 de agosto. José Manuel López Varela, alcalde do concello, e a concelleira de Servizos Sociais, Rocío López, acompañados por persoal técnico municipal, mantiveron unha reunión con representantes da empresa que prestará o servizo.
A atención temperá consiste nun conxunto de intervencións dirixidas á poboación infantil de 0 a 6 anos, á súa familia e ao seu contorno. Teñe por obxectivo dar resposta antes posible ás necesidades transitorias ou permanentes que presentan os nenos con trastornos no desenvolvemento. Tamén a aqueles en risco de padecelos para facilitar a súa autonomía persoal e inclusión social.
Servizos profesionais e sociais
Grazas a este programa, o Concello contará con logopeda, psicopedagoga e mestra de educación especial. As profesionais ofrecen unha intervención biopsicosocial que favoreza a adquisición ou a recuperación de funcións e de habilidades persoais e sociais dos nenos. A clave é poder detectar esas dificultades o ante posible para obter os mellores resultados ademáis dun óptimo proceso evolutivo do cativo.
En todos os casos, a derivación dos nenos e nenas ao servizo de atención temperá será a través dos servizos sociais municipais, aos que debe acudir a familia se sospeita que pode presentar un trastorno do desenvolvemento. Pódese solicitar cita previa chamando ao 981 612811. Para o financiamento do servizo, o Concello conta coa colaboración económica da Consellería de Política Social ao abeiro da convocatoria de subvencións destinadas a entidades.
