Foron recollidos nos contedores laranxas da Laracha, Paiosaco e Caión e na urbanización Monte Claro de Cabovilaño
Está a punto de cumprirse un ano desde que o Concello implantase tanto nas vilas da Laracha, Paiosaco e Caión como na urbanización Monte Claro de Cabovilaño o contedor laranxa para o depósito de aceites domésticos. Os datos da recollida deste tipo de residuos poñen de manifesto o bo uso que se está a rexistrar por parte da cidadanía.
Neste período de aproximadamente dez meses a empresa autorizada pola Xunta de Galicia que xestiona os doce puntos de depósito, comunica que foron recollidos 3.050 quilos de aceites domésticos. Segundo as súas estimacións, o correcto tratamento deste tipo de residuo evitou a contaminación de 3.355.000 litros de auga. Ademais, a súa transformación en biocarburante posibilitou a redución de 9,11 toneladas de emisións de dióxido de carbono (CO2).
Os contedores laranxas facilitan que a cidadanía poida desfacerse dun modo ecolóxico do aceite vexetal de cociña unha vez usado, xa que se trata dun material especialmente contaminante para a auga. Polo tanto, dificulta en gran medida o proceso de depuración polo que non debe botarse polos desaugadoiros da cocina nin polos inodoros. Para un correcto uso deses contedores, o aceite debe depositarse en botellas de plástico ben pechadas.
