6.301 pacientes están en domicilio ao inicio da derradeira semana do mes de abril. Ademais Galicia rexistra un total de 6.891 casos.
Neste sentido, a Dirección Xeral de Saúde Pública da consellería de Sanidade informa tamén que o número de casos activos de coronavirus en Galicia ascende a 6.891: deles 1.659 son da área da Coruña, 662 da de
Lugo, 1.315 da de Ourense, 569 da de Pontevedra, 1.219 da área de Vigo, 1.067 da de Santiago, e 400 da de Ferrol.
Por outro lado, do total de pacientes positivos: 83 permanecen en UCI, 507 están en unidades de hospitalización e 6.301 no domicilio. Polo de agora, en Galicia rexistráronse 1.816 altas de pacientes e 531 falecementos.. Eo número de PCR realizadas é de 87.824.
En canto ao número de casos de coronavirus detectados en centros residenciais de servizos sociais de
Galicia supoñen o 3,5% do total das persoas residentes. Na xornada de onte produciuse un falecemento en centro residencial. Este tivo lugar na residencia DomusVi Barreiro (Vigo).
Recomendacións
Os técnicos da Dirección Xeral de Saúde Pública da Consellería de Sanidade volven reiterar as recomendacións consensuadas entre as comunidades autónomas e o Ministerio de Sanidade.E lembran que, en liñas xerais, aconséllase adoptar as medidas de autoprotección e limitación da diseminación do virus común a calquera infección respiratoria, como a gripe.
Así, extremarase a hixiene de mans, lavándoas frecuentemente, especialmente despois de tusir ou soarse, e cubrirase o nariz e a boca cun pano – preferentemente desbotable- ao tusir ou esbirrar, ou se non se dispón de pano, na cara internado cóbado. Ademais, evitarase tocar os ollos, o nariz e a boca coas mans.
