Galicia volve a superar a taxa de doazón de sangue recomendada pola OMS. Acada, no ano 2019, 109.330 doazóns.
Resulta especialmente salientable a evolución do programa de doazón mediante aférese que a Axencia desenvolve nos locais de doazón das sete grandes cidades galegas. Este tipo de doazóns acadou as 6.926 doazóns. Esta cifra representa un substancial incremento do 14,7% con respecto ao ano anterior.
Espallamento poboacional e envellecemento
Pero ADOS lembra que Galicia é unha das comunidades autónomas con maiores dificultades para acadar un bo número de doazóns de sangue. Esto é debido a factores sociodemográficos como o espallamento poboacional así como o seu envellecemento. Estas circunstancias dificultan o desenvolvemento de campañas de captación de novos doadores e doadoras de sangue.
Desde a dirección da Axencia, apelase á «probada solidariedade da cidadanía galega para continuar superar estes obstáculos e incentivar a súa participación nas campañas de doazón de sangue, un xesto vital para que miles de doentes podan recibir a transfusión dos compoñentes sanguíneos que que se obteñen da doazón«.
Así mesmo, salientar que Galicia continúa superando a taxa de doazón estatal, situandose nos postos de cabeza entre ás CCAA con maior índice de participación da súa cidadanía.
A por máis doazóns
Para isto, a Axencia está a incrementar as facilidades para posibilitar a doazón. Por exemplo, a posta en funcionamento de novas unidades móbiles rotuladas baixo o lema “Súmate ao noso equipo”. Tamén o achegamento dos locais de doazón de sangue aos principais hospitais de referencia das 7 grandes cidades galegas.
Así mesmo, estanse a impulsar programas de formacion e información en torno a este xesto solidario entre todos os ámbitos da sociedade galega. Neste sentido, salientar o desenvolvemento do programa “Mensaxeiros Solidarios” . Este programa está desenvolvido para nenos de educacion infantil e primaria.
