O Sergas comunicará, sempre de xeito individul, os cambios que afecten ás citas nos centros sanitarios.
Para garantir a protección da poboación fronte ao coronavirus e preservar os recursos sanitarios dispoñibles poderá reprogramar as citas. Tanto as de atención primaria e hospitalaria como as probas diagnósticas non urxentes.
Neste sentido, a instrucción do Sergas é que calquera cambio na cita comunicarase de xeito individual e se non se recibe unha chamada, mantense a cita que xa ten.
Que se suspende e que se mantén?
Nos hospitais pódese suspender ou aprazar a actividade cirúrxica programada, salvo aquelas patoloxías recollidas no Decreto 105/2017, de 28 de setembro. Este Decreto regula o sistema de garantía de tempos máximos de acceso ás prestacións sanitarias públicas.
As consultas e probas diagnósticas non preferentes poden suspenderse ou aprazarse, e no caso das consultas, substituídas por modalidades de atención non presencial.
Así mesmo, o Sergas suspende todos os programas de cribado, sen embargo realizaranse as probas diagnósticas derivadas destes programas nos casos que deran positivo. Ademáis, manténse o calendario vacinal infantil.
Así, o Sergas promoverá a consulta telefónica en todos os casos posibles para evitar que se acuda aos centros sanitarios. Tamén empregará os procedementos que permitan a atención domiciliaria, tanto a través de visita domiciliaria, e recollida de mostras ou a plataforma TELEA, de teleseguimento de pacientes.
