Os novos colectores laranxas de aceites domésticos están dispoñibles nos tres núcleos urbanos e na urbanización Monte Claro
O Concello da Laracha pon a disposición da cidadanía un total de doce colectores para o depósito de aceites domésticos, de cor laranxa e facilmente identificables. Foron instalados en puntos estratéxicos das vilas da Laracha:
- Avenida Fisterra
- rúas Río Acheiro, Lino Gómez Canedo, Santa Lucía, Rosalía de Castro, Luis Martínez Vázquez e Epifanio Campo xunto ao centro médico
- estrada AC-552 á altura das Torres de Cillobre
- Paiosaco (campo da feira)
- Caión (Avenida da Laracha e rúa Campo da Insua)
- urbanización Monte Claro no Cancelo do Medio (parroquia de Cabovilaño)
A recollida destes novos colectores será a cargo de Coregal, tal e como estaba estipulado na concesión do contrato de xestión do punto limpo. O obxectivo desta iniciativa é facilitar a cidadanía un modo ecolóxico de desfacerse do aceite vexetal de cociña unha vez usado. Se trata dun material especialmente contaminante para a auga, que dificulta en gran medida o proceso de depuración. Por tanto, non debe botarse polos desaugadoiros da cocina nin polos inodoros para evitar que cheguen á rede de sumidoiros.
Stands informativos
En próximas datas o Concello desenvolverá unha campaña informativa colocando stands en diferentes puntos do municipio. Alí se explicará o modo no que debe depositarse o aceite nos colectores (dentro de botellas de plástico ben pechadas). Tamén se repartirán de xeito gratuíto embudos entre a poboación larachesa, precisamente para facilitar a separación do aceite para o seu posterior tratamento.
En dita campaña o Concello contará coa colaboración da Consellería de Medio Ambiente, Territorio e Vivenda e do Ministerio de Transición Ecolóxica a través das axudas dos Plans de Impulso ao Medio Ambiente (PIMA) e do Plan Estatal Marco de Xestión de Residuos (PEMAR).
