Coa iniciativa, os beneficiarios pasan de 35 a 45 no termo municipal da Laracha
Aprobouse en Xunta de Goberno a incorporación dunha addenda ao convenio de colaboración entre o Concello da Laracha e a Consellería de Política Social da Xunta de Galicia . A finalidade é aumentar o número de beneficiarios do programa «Xantar na Casa». A ampliación será de dez prazas máis para un total de corenta e cinco.
O obxetivo radica en garantir unha alimentación equilibrada e de calidade adaptada ás necesidades de cada un dos usuarios. Éstes deben ser persoas maiores de 60 anos que teñan limitada a súa capacidade de autonomía persoal e que carezan de apoios. Tamén, pode acceder calquera persoa, independentemente da súa idade, que sexan dependentes e non teñan apoio familiar.
A través deste programa os usuarios reciben os alimentos nos seus domicilios unha vez por semana. No caso de que non dispoñan deles, tamén se lles facilitarán os medios (microondas e neveira) para poder preparalos cada día dun xeito cómodo e sinxelo.
Aquelas persoas que cumpran as características e desexen ser beneficiarios do programa, poden solicitalo no departamento de servizos sociais do Concello da Laracha, con atención telefónica chamando ao 981 612811.
Servizos sociais comunitarios
Tamén se acordou presentar á Consellería de Política Social o proxecto anual de servizos sociais municipais –valorado en 608.541 euros-. A idea é solicitar a achega económica para o seu cofinanciamento. Inclúense tanto os gastos derivados dos salarios dos empregados municipais vinculados a ese departamento como dos diferentes programas que se prestan á cidadanía, incluíndo o servizo de axuda no fogar.
Licencias urbanísticas
Foron concedidas cinco licencias urbanísticas, das cales dúas foron para a construción de vivendas unifamiliares nos núcleos de Xeriz (parroquia de Cabovilaño) e A Gándara (parroquia de Torás).
