As xornadas na Laracha serán os días 18 e 19 de novembro e a inscrición é gratuíta
A Consellería do Medio Rural, a través da Axencia Galega da Calidade Alimentaria, desenvolverá, coa colaboración do Concello da Laracha, unhas xornadas técnicas de horta. Será na Casa da Cultura da Laracha os días 18 e 19 de novembro.
O municipio foi un dos escollidos para a celebración destas xornadas por tratarse dunha das principais zonas deste tipo de produción. O obxectivo é dar a coñecer as posibilidades existentes para comercializar produtos agroalimentarios. Tamén, para concienciar aos participantes sobre a importancia de producir no marco da calidade diferenciada.
Así mesmo, se abordarán outras cuestión relevantes:
- experiencias de certificación das producións de horta a nivel de España sabendo como naceron e os principais fitos na súa consolidación
- instrumentos normativos dispoñen para promovela
- impacto dos selos de calidade diferenciada de horta nos mercados
- aspectos técnicos relacionados coa saúde dos solos
- emprego sustentable de produtos fitosanitarios
- control das pragas e enfermidades que afectan ás producións hortícolas
Todas as persoas interesadas en participar poden anotarse de xeito gratuíto no edificio administrativo da Laracha (departamento de Emprego). Estas xornadas son unha acción organizada dentro do plan de formación continua agroforestal da Consellería do Medio Rural, cofinanciado con fondos FEADER ao 75%.
