En torno ás Festas dos Milagres, a xornada será o 10 de setembro
No marco do programa de actividades en torno ás Festas dos Milagres, o Concello da Laracha programa en Caión unha xornada de cultura urbana o día 10 de setembro. A actividade está organiza pola entidade Vella Escola e dirixida a mozos a partir de 13 anos de idade. O evento trasládase á vila costeira desde a capital municipal, onde estaba previsto inicialmente.
O lugar escollido para o desenvolvemento deste novidoso evento será a zona verde situada nas inmediacións do acceso principal á praia das Salseiras. Dita xornada principiará ás 17:00 horas con tres obradoiros de breakdance, freestyle football e beatbox que se levarán a cabo de forma simultánea por espazo de dúas horas.
Inscrición previa
É de destacar que para participar nos obradoiros requírese de inscrición previa cubrindo o formulario que está dispoñible desde hoxe na web alaracha.gal. Lembrar que as prazas son limitadas e terán preferencia as persoas empadroadas no termo municipal da Laracha.
Ademáis, desde as 20:30 horas, terá lugar o espectáculo Ópera Break´s. Nel se mestura nunha única función de diferentes disciplinas artísticas como a ópera cantada en directo coa voz de Esperanza Mara, o breakdance, o beatbox e un Dj. Neste caso a asistencia está aberta a todos os públicos.
