A inscrición para o voluntariado internacional no Castro de Montes Claros ábrese o mércoles 19 de maio
O Concello da Laracha organizará no próximo verán un novo campo de voluntariado internacional de temática arqueolóxica. A iniciativa está centrada, como no 2021, na posta en valor do Castro de Montes Claros e a conservación do seu entorno. Enmércase na campaña de verán 2022 da Xunta de Galicia -Consellería de Política Social-. Está dirixida a un máximo de quince mozos de idades comprendidas entre os 18 e os 30 anos.
A data da actividade é do 26 de xullo ao 6 de agosto e o prazo de inscrición abrirase o próximo mércores 19 de maio. As inscricións deben realizarse en liña na web xuventude.xunta.es. Tamén se pode ampliar información sobre a oferta de campos de voluntariado dispoñibles en Galicia, noutras comunidades españolas e en países de Europa e América. Os campos de voluntariado dan a oportunidade aos mozos de vivir unha experiencia única baseada en dous aspectos fundamentais:
- Prestar un servizo de interese xeral á comunidade e reforzar os valores sociais a través da participación grupal con persoas procedentes doutras comunidades e países.
- Desfrutarán de actividades de lecer complementarias.
Formación, traballo e coñecementos
Nesta ocasión o traballo específico consistá en tarefas auxiliares de colaboración na segunda escavación do xacemento como a limpeza dos afloramentos rochosos. Neles é precisa a intervención manual ante a posibilidade de atopar petroglifos. Previamente os participantes recibirán formación relativa á identificación das estruturas do poboado fortificado e das paisaxes históricas. Tamén se fará especial fincapé no mantemento da biodiversidade animal e vexetal, fomentando o respecto e interese por preservar as paraxes de interese arqueolóxico. Pero tamén aquelas que presentan riqueza medioambiental, etnográfica e patrimonial.
Ese traballo específico no castro levarase a cabo polas mañás, sempre baixo o control da dirección do obradoiro e con supervisión arqueolóxica. Nas tardes e nas fins de semana os voluntarios realizarán outra serie de actividades de tipo educativo, didáctico e cultural que tamén lles permitirá coñecer o termo municipal da Laracha, a súa historia e tradición. Durante a súa estancia aloxaranse nas instalacións do centro sociocultural de Santa Margarida (antigo hospital dos peregrinos de Montemaior). A organización asumirá ao completo os custes da estancia e manutención dos participantes, así como das actividades culturais que realicen.
