Aberta a inscripción a visita guiada organizada polo Concello ao Castro de Montes Claros.
Así, a visita guiada ao Castro de Montes Claros ten como obxetivo a súa posta en valor. O Castro é un dos elementos arqueolóxicos de maior importancia da Laracha. O Concello, despois de adquirir os terreos nos que se sitúa o xacemento, vén desenvolvendo nos últimos anos intervencións dirixidas á súa posta en valor, incluído a primeira fase da escavación arqueolóxica deste antigo poboado fortificado da Idade de Ferro situado na parroquia de Vilaño.
Precisamente co propósito de que a veciñanza larachesa poida coñecer o castro de Montes Claros e as intervencións realizadas durante os últimos anos, o Concello organiza unha visita guiada pola arqueóloga Puri Soto. A visita terá lugar o domingo día 5 de febreiro a partir das 12:00 horas.
Ademais o prazo de inscripción está aberto e é totalmente gratuíta.
Tamén dicir que as prazas son limitadas e outorgaranse por orde de inscrición.
Para rematar, o castro de Montes Claros é un dos 19 castros que existen na Laracha. Está catalogado pola Xunta de Galicia e tamén no PXOM. Este poboado castrexo é unha construción fortificada de gran valor arqueolóxico.
