O propósito dos traballos é mellorar as condicións, incrementar a capacidade de evacuación e reforzar a seguridade viaria
O Concello da Laracha ten na fase final de execución os traballos de limpeza e conservación das cunetas en estradas de titularidade municipal. As actuacións ten por obxetivo mellorar as condicións das vías e aumentar a súa capacidade de evacuación, reforzando tamén a seguridade viaria ao favorecer a drenaxe. Os últimos traballos estanse a realizar en Erboedo, estando afectadas nesta parroquia a vía que comunica a DP-1913 co Igrexario e A Fontenla, así como as súas conexións coas estradas que dirixen aos núcleos de San Paio, Paredes, Reirís e O Piñeiro.
O investimento alcanza os 95.000 euros financiados integramente con fondos propios municipais. En total actúase en 71 quilómetros lineais da rede viaria local con intervencións localizadas, ademais de Erboedo, nas seguintes vías:
- Montemaior: núcleos de A Panela, O Viso, Goexe, Propeste, Santa Margarida, O Canedo, A Chamusqueira, Nebrexe, As Cernadas, A Pena, A Baiuca, A Castiñeira, A Casanova, A Fieira, Vilariño, A Medorra, Casas Longas e O Igrexario.
- Soandres: O Priorato, As Senras e Encián.
- Coiro: Gudís, O Pazo Vello, A Painceira e O Casal do Monte.
- Lemaio: Pedrarrubia, O Pereiro, O Igrexario, A Fraga e A Pedreira.
- Lendo: acceso a O Bastón
- Caión: Xermaña, A Pedreira, O Outeiro e Alvite.
- Cabovilaño: núcleos de O Cancelo de Abaixo, A Telleira, O Igrexario, Padronelo, A Casanova e O Cuartel, e estrada entre O Feal e A Rega.
- Golmar: As Talladas e San Cristovo.
- Lestón: O Cruceiro, Centulle e A Porta Santa.
- Vilaño: Fragunde, Fornelos e Vilanova.
