Onte comezou o tradicional festival de teatro infantil. Seguirá hoxe no CEIP Otero Pedrayo e mañá realizarase no CEIP Alfredo Brañas
O Concello da Laracha organiza todos os anos para Nadal un festival de teatro dirixido ao alumnado dos colexios en horario lectivo. Este ano se está a levar a cabo pero dun xeito diferente. Os espectáculos trasládanse aos pavillóns dos colexios para garantir o cumprimento das medidas de distanciamento social. O lugar habitual era a Casa da Cultura local.
Así, todos os estudantes de primaria do termo municipal –e tamén os de infantil dos CEIPs Alfredo Brañas e Caión– gozarán ao longo desta semana da obra de Talía Teatro titulada Lambetadas. A estrea foi onte no pavillón do CEIP Otero Pedrayo, asistindo o alumnado de 1º e 2º curso dese centro. Xove haberá dúas funcións no mesmo lugar, para 3º e 4º e para 5º e 6º.
O xoves, a mesma obra de teatro trasladarase ao pavillón do CEIP Alfredo Brañas con funcións. As 10:00 oras para todo o alumnado do CEIP de Caión e, na segunda as 12:00 horaspara os estudantes do colexio de Paiosaco.
Ao remate de cada unha das funcións de Nadal hai unha visita de Papá Noel para facer entrega de dúas máscaras infantís de tela, lavables e reutilizables, co escudo do Concello da Laracha gravado. Estas máscaras tamén se entregarán ao alumnado de educación infantil do CEIP Otero Pedrayo que non asistiu á obra de teatro por decisión do seu profesorado. Tamén a todo o persoal dos tres colexios e ao alumnado e comunidade educativa do IES Agra de Leborís.
