Contrataranse cinco peóns e dous capataces para servizo de limpeza do areal, instalacións e o entorno da praia de Caión
Está operativo o servizo de socorrismo, salvamento, vixilancia e primeiros auxilios na praia de Caión con oito efectivos. Serán complementados con outros dous máis a través da convocatoria de axudas da Consellería de Emprego e Igualdade da Xunta de Galicia para o fomento do emprego. Parte do equipo recibiu a benvida do alcalde, José Manuel López Varela, e dos concelleiros José Ramón Martínez e Rocío López.
Nese mesmo areal en próximas datas haberá outros sete traballadores da cuadrilla municipal de limpeza da praia, as súas instalacións e o entorno –vías, rúas e zonas verdes-. Unha vez rematado o prazo de presentación de instancias, e á espera da publicar as listaxes provisionais de admitidos e excluídos, son un total de 35 persoas as que formarán parte deste procedemento de selección.
Reforzo do servizo
En ambos casos os contratos terán unha duración de tres meses. O sistema de selección será mediante concurso-oposición. Na fase de concurso valorarase a experiencia profesional, a formación e estar en posesión de permisos de condución. Na fase de concurso realizarase unha proba práctica centrada na destreza de cada aspirante no desenvolvemento da tarefa. Ademais, deberán superar a correspondente proba de coñecemento da lingua galega en caso de non estar en posesión do certificado Celga 1 ou equivalente.
Estes sete traballadores reforzarán o servizo que vén realizando na praia de Caión e no seu entorno unha empresa contratada polo Concello para ese fin. Nos próximos anos estas actuacións mecanizadas xa estarán incluídas no contrato do servizo de limpeza viaria que está actualmente en licitación e será adxudicado en próximas datas.
