O servizo actuará en estradas, camiños forestais e terreos municipais
O Concello da Laracha vén de completar o procedemento de contratación do servizo de roza e desbroce de cunetas de estradas e parcelas de titularidade municipal. Co propósito de axilizar a execución dos traballos, dito contrato foi dividido en cinco lotes que comezarán as intervencións a principios de xullo.
Esta campaña ten por obxectivo eliminar a vexetación herbácea nas marxes das estradas para frear o seu crecemento e para mellorar a visibilidade. Tamén, para reforzar a seguridade viaria e previr riscos de incendio.
En total o Concello destinará 140.000 euros procedentes de fondos municipais para realizar eses traballos. O fará en máis de 300 quilómetros de estradas municipais e máis de 100 quilómetros de pistas forestais. Así mesmo actuará en preto de 200 mil metros cadrados de parcelas e terreos municipais. Este ultimos non están incluídos no contrato do servizo de limpeza e mantemento de zonas verdes. Tal e como se estipula nas cláusulas que rexeron o procedemento de contratación, en determinadas vías será preciso realizar dúas cortas durante a campaña de desbroce.
Lotes nos que está dividido o contrato
- Lote 1. Estradas municipais das parroquias de Cabovilaño, Caión, Lemaio, Lendo, Torás e Vilaño: 37.645,76 euros.
- Lote 2. Estradas municipais das parroquias de Coiro, Erboedo e Soandres: 29.731,84 euros.
- Lote 3. Estradas municipais das parroquias de Lestón, Golmar, Montemaior e Soutullo: 30.664,32 euros.
- Lote 4. Camiños forestais de todo o termo municipal: 27.313,74 euros.
- Lote 5. Parcelas e terreos de titularidade municipal: 14.524,02 euros.
Multas por incumprimento
A Lei do Solo de Galicia establece o deber legal dos propietarios dos terreos situados en zonas urbanas de mantelos ao longo de todo o ano en bo estado de conservación. Ademais, a Lei de prevención e defensa contra os incendios forestais de Galicia e a Lei de Montes de Galicia fixan as distancias mínimas a ter en conta nas plantacións forestais.
En cumprimento destas normativas, o Concello desenvolve cada ano unha campaña informativa sobre estas cuestións. Con especial incidencia na primavera e no verán por tratarse das épocas de maior crecemento da biomasa. Nos meses restantes se levan a cabo actuacións dirixidas a cumprir as condicións de seguridade, hixiene, salubridade e ornato público dos terreos privados.
O Concello agradece á veciñanza a súa implicación e sensibilización con estas obrigas. Por norma xeral ditos labores se acometen en tempo e sen necesidade de requirimentos previos. Sen embargo, a aqueles propietarios que incumpriron a normativa, foron requiridos para facelo e non acometeron as actuacións oportunas, o Concello comezará a impoñerlles multas coercitivas de entre 1.000 e 10.000 euros.
Limpeza subsidiaria Paiosaco
O Concello acometerá de maneira subsidiaria a limpeza dunha parcela privada situada no núcleo urbano de Paiosaco. Dita finca foi obxecto de tres informes da Policía Local, notificándose primeiro ao propietario a obriga de xestionar a biomasa ante a abundante maleza que presentaba. A continuación, a imposición dunha multa coercitiva de 3.000 euros como medio de execución forzosa. Por último, en vista de que persistiu o incumprimento, déuselle conta da execución subsidiaria deses traballos polo Concello, cuxo custo deberá asumir o titular da parcela.
