O servizo de limpeza asúmeo o Concello. Foi preciso revisar o contrato coa empresa concesionaria e incrementar a partida económica nun vinte e cinco por cento
O Concello da Laracha reforzará o servizo de limpeza nos CEIPs Otero Pedrayo da Laracha, Alfredo Brañas de Paiosaco e Caión. Para isto foi preciso revisar o contrato coa empresa concesionaria e incrementar a achega económica municipal. Dado que o 10 de setembro empezará o curso escolar 2020-2021 en Galicia a actuación esta de acordo ao protocolo da Xunta de Galicia sobre as medidas de seguridade para a prevención da Covid-19.
Así, ademais da limpeza habitual que se fai con carácter xeral, todos os días realizaranse durante o horario lectivo un mínimo de tres limpezas e desinfeccións dos aseos. Neles haberá xel hidroalcohólico a disposición dos usuarios. Tamén se reforzará o servizo de limpeza nas superficies de uso frecuente (pasamáns, pomos de portas, mesas, mobles, etc.). Tamén, nas zonas privadas do persoal do centro e nos postos de traballo compartidos (neste caso, en cada cambio de quenda).
Ao tratarse dun servizo que asume e financia integramente o Concello local, foi preciso revisar o contrato coa empresa concesionaria e incrementar a partida económica para ese fin nun vinte e cinco por cento. O gasto mensual pasará a ser de 13.192,51 euros.
Así memo, o alcalde, José Manuel López Varela, e a edil de Ensino, Patricia Bello, reuniéronse no Concello cos directores dos tres colexios. A finalidade foi ultimar os preparativos de cara ao regreso da actividade escolar paralizada desde o pasado mes de marzo.
Campos de fútbol
Por outra banda, o Concello da Laracha realizou as actuacións de posta a punto da zona de xogo dos dous campos de fútbol de céspede artificial. Trátase do Municipal da Laracha e A Porta Santa de Paiosaco.
Os traballos, acometidos con medios mecánicos, consistiron na limpeza e cepillado da superficie do terreo de xogo. Tamén, descompactación dos recheos, eliminación de vexetación herbácea, revisión de canaletas en liñas de xogo e xuntas. Estes labores favorecer a conservación da superficie do céspede artificial e aumentan a súa vida útil.
Deste xeito o Concello actuou para ter en perfectas condicións ambos campos de fútbol. A idea é poñelos a disposición dos clubs federados do municipio no momento que as autoridades sanitarias competentes permitan o regreso da actividade tanto dos equipos sénior como das categorías de base.
A U.D. Paiosaco realiza o adestramentos e xoga os seus partidos como local no campo A Porta Santa. No campo Municipal da Laracha utilízao o Laracha C.F. como o Club do Mar de Caión.
Están moi ben pero co cobre que hai no concello nn vexo normal que empezen os nenos o día dez