Ao presentar similitudes co Castro de Montes Claros, a xornada foi formativa para a posible aplicación en próximas intervencións
José Manuel López Varela, alcalde da Laracha, participó onte no seminario internacional no Castro de Doade do municipio de Lalín. A Escola Galega da Paisaxe da Fundación Juana de Vega en colaboración co Museo do Patrón foron os encargados da actividade. O rexedor municipal foi acompañado polos edís Jesús Souto e Ramiro Bello e a arqueóloga Puri Soto, que está á fronte da escavación do castro de Montes Claros.
O evento, dirixido polo arquitecto da paisaxe portugués Joao Nunes. Tuvo como propósito sua posta en valor, divulgación do territorio e os seus recursos patrimoniais e naturais. Tamén, incorporar a paisaxe e o medio rural como obxectos de investigación e valoración.
Idade de ferro
O lalinés Castro de Doade é do mesmo período que o larachés Castro de Montes Claros -idade de ferro-. Presentan tipoloxías similares e comparten idénticos obxectivos no referido a posta en valor e divulgación. Por tanto, a participación neste seminario enmárcase dentro da formación para a posible aplicación en próximas intervencións no da Laracha.
É preciso lembrar que o Concello da Laracha realizou durante o pasado verán a primeira fase da escavación arqueolóxica en Montes Claros. A mesma, deixou á vista parte dos muros de pedra e fixo aflorar fragmentos de pezas cerámicas e de bronce.
