Desde onte e ata o 15 de setembro o servizo incorpora una moto acuática de salvamento
O equipo de salvamento e socorrismo da praia de Caión está operativo desde onte e continuará prestando servizo ata o 15 de setembro, todos os días en horario 12:00 a 20:00 horas.
Durante os próximos tres meses serán un total de sete socorristas máis o coordinador xeral o persoal que se encargará desas funcións na praia. O obxetivo é aumentar a seguridade dos bañistas, informar sobre calquera cuestión que afecte á praia e controlar o uso axeitado do areal. Sempre de acordo ás normativas vixentes e aos condicionantes establecidos pola Bandeira Azul.
Por primeira vez neste ano o servizo incorpora unha moto acuática apta para realizar traballos de salvamento. Polo tanto en todo momento estará presente canda menos un socorrista que posúa o título de patrón e que teña experiencia no manexo dese tipo de embarcacións. Neste servizo na praia de Caión o Concello da Laracha inviste 68.000 euros.
