Estase a facer especial fincapé na rede viaria situada en zonas de interior, estradas con pendente e rutas de transporte escolar
O Concello da Laracha activou onte un plan específico de mantemento das estradas de titularidade municipal que se desenvolve ante as baixas temperaturas que se están a rexistrar. Os traballos teñen por obxectivo previr e minorar as situacións de risco na rede viaria.
As intervencións consisten na aportación de sal nas localizacións máis propensas á formación de placas de xeo. Con especial fincapé nas estradas situadas en zonas de interior, xa que son as que rexistran as temperaturas máis baixas. Tamén, nas vías que presentan pendente e tamén nas rutas de transporte escolar.
As cuadrillas de servizos municipais e unha empresa especializada no emprego de maquinaria, traballan de maneira simultánea na rede viaria para estender o sal que foi contratada para tal fin polo Concello.
