Auméntase a canalización e instálase un sistema de bombeo na rúa Feal
O Concello da Laracha financia con fondos municipais a execución do proxecto na rede de saneamento que se está a acometer na rúa Feal de Paiosaco. A actuación consiste na ampliación da canalización, creación de pozos de rexistro para realización dos mantementos e a instalación dun sistema de bombeo. Isto permitirá dar solución a pendente da zona e conectala coa rede xeral. Así, derivase as augas residuais para o seu tratamento na estación depuradora do Formigueiro. Estas actuacións, consideradas prioritarias para o goberno local, supoñen importantes melloras para os veciños residentes no municipio. Ademais, tratarse de intervencións que teñen un impacto directo na protección do medio ambiente.
